മുറിവ്

നിദ്ര നിന്നെ പുല്‍കിയിരിക്കാം
എന്‍റെ ഓര്‍മകളുടെ മൂടുപടം ഇല്ലാതെ ..
ഞാന്‍ ഇല്ലാത്ത സ്വപ്നങ്ങളിലൂടെ നീ യാത്ര ചെയ്യുകയായിരിക്കാം
ജീവിതത്തില്‍ ഇനി വരാനുള്ള സൌധത്തിനുവേണ്ടി മനക്കോട്ട കെട്ടി
നിദ്രയില്‍ ആണ്ടു പോയിരിക്കാം ..

എന്നെ ചവിട്ടി പുറത്താക്കിയ വിടവിലൂടെ പലതിനേയും നീ ആനയിച്ചിട്ടുണ്ടാകും..
ഒഴിഞ്ഞു പോയ അപസ്വരത്തെ ഓര്‍ത്ത് ഊറി ചിരിച്ച്...
പൊട്ടി പോയ വീണ കമ്പികള്‍ മൂലയില്‍ വലിച്ചെറിഞ്ഞ്
പുതുമയിലേക്കുള്ള നടത്തം

അതെ നീ പറഞ്ഞതുപോലെ ഓര്‍മ്മകള്‍ ഉണ്ടാകും ..
ഹൃദയത്തില്‍ ആഴത്തിലുണ്ടാക്കിയ മുറിവില്‍ കുത്തിയുള്ള  നീറുന്ന ഓര്‍മ്മകള്‍
നീ ഓര്‍മിക്കപ്പെടും ഒരിക്കലും പൊറുക്കപെടാത്ത ഒരു വേദനയായി ..
കാലം മയിക്കാതെ ...
പഴുത്ത് പൊങ്ങിയ ഒരു വൃണമായി ഓര്‍മിക്കപെടും ..
നിനക്ക് മാപ്പില്ല
എഴു ജന്മവും എഴു കടലും കടന്നാലും ആത്മാവ് പിടക്കും വരെ-
മാപ്പില്ല ...